SAMUEL GARCIA, do Círculo Cultural Chapela, proclamouse CAMPIÓN no Campionato Provincial organizado polo Club Billar Vigo, ao vencer na Final ao tamén xogador do seu club Rogelio Fortes, por un tanteo de 40 - 12 en 30 entradas.
Samuel, que previamente na partida de semifinais xa realizara unha gran remontada ante o xogador do Mercantil Juan Casal para alzarse coa vitoria, en ningún momento deu opción ao seu rival, afastándose deste no marcador ás poucas entradas do comezo da partida, grazas ao desenvolvemento dun xogo fluído e consistente que propiciou que alcanzase un promedio ao alcance de poucos xogadores da provincia.
Trala entrega de premios á que asistiu o Presidente da Federación Galega de Billar, ofreceuse a xogadores e afeccionados un ágape nun centro colaborador da organización do campionato, onde se emprazou os xogadores á seguinte cita o 30 de Xaneiro no Club Billar Pontevedra |
